وائس فار بلوچ مسنگ پرسنز کے وائس چیئرمین ماما قدیر بلوچ نے اپنے خیالات کا اظہار کرتے ہوئے کہا کہ بلوچ فرزندوں کا قتل عام کا سلسلہ بڑھتا جارہا ہے، بلوچ سیاسی کارکنان، رہنماؤں خواتین و بچوں کا ریاستی اداروں کے ہاتھوں شہادت، اجتماعی قبروں میں دفنانا، ویرانوں میں پھینکنا پاکستانی فوج کی درندگی کا واضح ثبوت ہے۔ عالمی برادری اور اقوام متحدہ پر اب یہ عیاں ہوگیا ہے کہ پاکستان دنیا کا سب سے بڑا دہشتگرد ہے بلوچ قوم ایک بہادر اور مہذب قوم ہے۔ بلوچ مائیں، بہنیں، معصوم بچے اپنے پیاروں کی انتظار میں سڑکوں پر احتجاج کررہے ہیں۔
انہوں نے مزید کہا کہ بلوچ سیاسی کارکنان، رہنماؤں کی ریاستی اداروں کے ہاتھوں قتل بلوچوں کے خلاف کھلی جارحیت اور جنگ ہے۔ بلوچ قوم کی سرزمین وسائل سمندر پر قبضہ کرنے کیلئے پاکستانی استعماری قوت کی جانب سے بلوچ قوم کی نسل کشی کی جارہی ہے۔ بلوچ رہنماؤں کا قتل انسانی حقوق کی خلاف ورزی ہے، جمہوری حکومت کے آنے کے باوجود گمشدہ افراد کی بازیابی تو درکنار مزید لوگوں کو اغواء کیا جارہا ہے۔
