وکلاءکی جانب سے بلوچستان ہائی کورٹ اور ماتحت عدالتوں کابائیکاٹ
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع پنجگور میں علاﺅالدین ایڈووکیٹ کے گھر پر فائرنگ کے واقعہ کے خلاف جمعہ کے روز وکلاء کی جانب سے بلوچستان ہائی کورٹ اور ماتحت عدالتوں کابائیکاٹ کیاگیا۔
بلوچستان بار کونسل کی اپیل پر جمعہ کے روز کوئٹہ سمیت صوبے کے مختلف اضلاع میں وکلاءکی جانب سے عدالتی بائیکاٹ کی گئی اور بار رومز پر سیاہ پرچملہرائے گئے۔
بار کونسل کے مطابق پنجگور میں وکیل علاﺅ الدین ایڈووکیٹ کے گھر پر فائرنگ کے خلاف احتجاجاََ جمعہ کو عدالتی بائیکاٹ کیا گیا۔
وکلاء کی عدالتی بائیکاٹ کے باعث سائلین اور قیدیوں کو مشکلات کاسامنا کرنا پڑا اس سے قبل بھی بلوچستان بار کونسل کی کال پر جوڈیشل پالیسی میں ترمیم کے خلاف عدالتی بائیکاٹ کی گئی تھی ۔
