برطانوی پولیس نے مختلف شہروں میں آپریشن کرتے ہوئے دہشت گردسرگرمیوں کےشبے میں3افراد کو گرفتار کرلیا، ان کے پاس سے قابلِ اعتراض مواد بھی برآمد ہوا ہے۔
تفصیلات کے مطابق جن افراد کو حراست میں لیا گیا ہے ان میں سے ایک کا تعلق لندن سے اور عمر 17 سال ہے، ایک کا تعلق باتھ سے اور عمر 21 سال ہے جبکہ 18 سالہ ایک شخص کا تعلق پورٹ سماؤتھ سے ہے۔؎
عالمی خبر رساں ادارے کا کہنا ہے کہ حراست میں لیے گئے افراد مبینہ طور پر نیو نازی گروپ جسے سونین کریگ کہا جاتا ہے ، اس سے تعلق رکھتے ہیں۔
یہ بھی کہا جارہا ہے کہ باتھ ، لندن، پورٹ سماؤتھ اور لیڈز کے علاقوں میں تلاش کا عمل جاری ہے ، پولیس کا کہنا ہے کہ یہ گرفتاریاں نارتھ ایسٹ کاؤنٹر ٹیررزم یونٹ نے طے شدہ آپریشن کے ذریعے کی ہے۔
حراست میں لیے گئے افراد سے تفتیش جاری ہے ، 21 سالہ شخص کو دہشت گردی کے واقعات میں استعمال ہونے والا سامان اور نفرت آمیز موادبرآمد ہونے پر حراست میں لیا گیا ہے ۔
دوسری جانب 17 سالہ شخص ہر الزام ہے کہ وہ دہشت گردی کی حوصلہ افزائی کرتا ہے اورایسا مواد شائع کرتا ہے ۔ ساتھ ہی ساتھ نسل پرستی اور مذہب پرستی کو بھی فروغ دیتا ہے۔18 سالہ شخص پر دہشت گردی کے فروغ اور مواد کی اشاعت کا الزام ہے۔
