ضلع کیچ میں فورسز کے ہاتھوں دوران چھاپہ 70 سالہ شخص حراست کے بعد لاپتہ
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع کیچ سے پاکستانی فورسز ایک گھر پر دوران چھاپہ ایک ستر سالہ شخص کو حراست میں لے کر نامعلوم مقام پہ منتقل کردیا۔
تفصیلات کے مطابق کیچ کے علاقے مند، گوَک سے گذشتہ رات فورسز نے گھر پر چھاپے کے دوران 70 سالہ شکاری مراد جان ولد گل محمد سکنہ گوَک کو حراست میں لینے کے بعد نامعلوم مقام پہ منتقل کردیا ہے۔
ذرائع کے مطابق اس سے قبل بھی فورسز مراد جان کو حراست میں لینے کے بعد رہا کردیا تھا۔
بلوچستان میں جبری گمشدگیوں کے خلاف دارالحکومت کوئٹہ سمیت دیگر علاقوں لاپتہ افراد کے لیے احتجاج کرنے والی تنظیموں وائس فار بلوچ مسنگ پرسنز اور بلوچ ہیومن رائیٹس آرگنائزیشن کا اس حوالے سے کہنا ہے کہ لاپتہ افراد کی بازیابی کیلئے احتجاج کی جارہی ہے جبکہ دوسری جانب ریاستی فورسز اور خفیہ اداروں کی جانب سے جبری گمشدگیوں کا سلسلہ تواتر سے جاری ہے۔
