کوئٹہ میں نامعلوم مسلح افراد نے فائرنگ کرکے سابقہ ڈی آئی جی پولیس کو ہلاک کریا
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے دارالحکومت کوئٹہ میں نامعلوم مسلح افراد نے فائرنگ کر کے سابق ڈی آئی جی پولیس نعیم کاکڑ کو ہلاک کردیا۔
تفصیلات کے مطابق کوئٹہ کے علاقے پرانہ پشین اسٹاپ نزدجو اسسٹنٹ کے قریب نامعلوم مسلح افراد نے فائرنگ کر کے سابق ڈی آئی جی پولیس نعیم کاکڑ کو زخمی کر دیا جنہیں فوری طور پر سول ہسپتال بعدازاں سی ایم ایچ منتقل کر دیا گیا جہاں زخموں کے تاب نہ لاتے ہوئے چل بسے۔
لاش کو ضروری کا ررائی کے بعد ورثاء کے حوالے کر دیا گیا، واقعے کے بعد ملزمان فرار ہونے میں کامیاب ہو گئے۔
واقعے کی اطلا ع ملتے ہی پولیس نے علاقے کی ناکہ بندی کر کے ملزمان کی تلاش شروع کردی۔
