کوئٹہ : مسلح افراد کی فائرنگ سے ایک شخص ہلاک ایک زخمی

31

کوئٹہ میں نامعلوم مسلح افراد نے فائرنگ کرکے ایک مزدور کو قتل اور ایک کو زخمی کر دیا

دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے دارالحکومت کوئٹہ کے علاقے عبدالولی چوک پر مسلح افراد کی فائرنگ سے ایک مزدور ہلاک جبکہ دوسرا زخمی ہوگیا۔

تفصیلات کے مطابق کوئٹہ کے نواحی علاقے پشتون آباد میں عبدالولی چوک پر نامعلوم مسلح افراد نے مزدوروں پر فائرنگ کردی جس کے نتیجے میں پنجاب کے رہائشی مراد نامی ایک مزدور موقع پر ہلاک جبکہ کراچی سے تعلق رکھنے والا مزدور امان اللہ گولی لگنے سے زخمی ہوگیا۔

پولیس ذرائع کے مطابق لاش اور زخمی کو فوری طور پرہسپتال منتقل کردیاگیا ہیں ، جس کے بعد مزید کارروائی جاری ہے ۔