نصیر آباد : غیرت کے نام پر ایک اور قتل

187

نصیرآباد میں رواں ماہ غیرت کے نام پر اب تک  3خواتین سمیت 8 افراد قتل کردیے گئے ہیں ، جب کہ تینوں  واقعات میں ملوث ملزمان میں سے صرف ایک ملزم ہی گرفتار ہوسکا۔

دی بلوچستان پوسٹ نیوز ڈیسک کو ملنے والی اطلاعات کے مطابق نصیر آباد کے گوٹھ عبدالرحیم میں آج  ملزم حاکم علی نے غیرت کے نام پراپنی بہن مسمات گل خاتون اور محمداشرف کو فائرنگ کرکے قتل کردیا،جب کہ ملزم واقعہ کے بعد فرار ہونے میں کامیاب ہوگیا۔ منجھوشوری پولیس نے جائے وقوعہ پہ پہنچ کرنعشوں کوضروری کاروائی کے لیے سول اسپتال منتقل کرکے واقعہ کامقدمہ درج کرکے تفتیش شروع کردی ہے۔

 واضح رہے کہ بلوچستان کے ضلع نصیرآباد میں رواں ماہ غیرت کے نام پر قتل کا یہ تیسرا واقعہ ہے ،جس میں رواں مہینے  3خواتین سمیت 8افراد قتل کردیے گئے ہیں،اس سے قبل 5 اکتوبر کو نوتال پولیس تھانہ کی حدود ربیع میں غیرت کے نام پر ملزم نے فائرنگ  کرکے فداحسین نامی شخص کو قتل کردیا تھا۔

جب کہ  16اکتومبر کو گوٹھ ہمت علی میں ملزم میر حسن نے اپنے ساتھیوں کے ساتھ مل کرغیرت کے نام پر فائرنگ کرکےاپنی بیوی مسمات لیلااور رحیم داد رند کو قتل کرنے کے بعد اپنے ماموں ذاد بیٹوں منظور احمد، حمید اللہ اور ارشاد خاتون کو بھی فائرنگ کرکے قتل کردیا تھا اور فرار ہوگئے، پولیس نے تینوں واقعات میں پولیس کو مطوب افراد میں اب تک صرف ایک ہی  ملزم معشوق عرف سردار کو گرفتار کیا ہے۔

دوسری طرف نصیرآباد میں غیرت کے نام پر بڑھتے ہوئے واقعات کے سبب علاقے میں تشویش کی لہر دوڑ گئی ہے