نال گریشہ میں فورسز نے خاتون کو تشدد کا نشانہ بنا کر بیٹے کو گرفتار کرکے نامعلوم مقام پر منتقل کردیا
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع خضدار کے تحصیل نال کے علاقے گریشہ میں فورسز نے ایک گھر پر چھاپہ مار کر ایک نوعمر نوجوان کو گرفتار کرکے نامعلوم مقام پر منتقل کردیا، مزاحمت پر نوجوان کی والدہ کو شدید تشدد کا نشانہ بنایا گیا۔
مقامی میڈیا ذرائع کے مطابق آج پاکستانی پیراملٹری فورس ایف سی نے گریشہ کے گاؤں ریج میں ایک گھر پر چھاپہ مارکر طاہر ولد باہوٹ نام کے ایک نوعمر نوجوان کو گرفتار کرنے کی کوشش کی تو ان کی والدہ بی بی جماعتی نے مزاحمت کی مزاحمت پر فوجی اہلکاروں نے بی بی جماعتی کو تشدد کا نشانہ بنایا۔
علاقائی زرائع کے مطابق اہلکاروں کی تشدد سے جماعتی زوجہ باہوٹ کی پاؤں ٹوٹ گئی اور وہ بے ہوش ہوگئیں اور فورسز نے ان کے نوعمر بیٹے طاہر ولد باہوٹ کو حراست میں لے کر نامعلوم مقام پر منتقل کردیا۔ جس کے بعد وہ تاحال لاپتہ ہیں۔
