مشکے میں فورسز کے ہاتھوں لاپتہ خاتون کا بھائی بھی لاپتہ
دی بلوچستان پوسٹ ویب ڈیسک کو موصول ہونے والی آمدہ اطلاعات کے مطابق مشکے میں گزشتہ دنوں فورسز کے ہاتھوں لاپتہ ہونے والی خاتون کے بھائی کو ساتھی سمیت فورسز نے حراست میں لینے کے بعد لاپتہ کردیا۔
تفصیلات کے مطابق لاپتہ خاتون نورالملک کے بھائی خلیل ولد لشکری اور ان کے ساتھی حبیب اللہ ولد امین کو مشکے النگی سے فورسز نے حراست میں لینے کے بعد لاپتہ کردیا۔
واضح رہے کہ خلیل بلوچ کی 55 سالہ بہن نور الملک زوجہ اللہ بخش کو دو ہفتے قبل انکی دو بیٹیوں 22 سالہ حسینہ زوجہ اسحاق اور 18 سالہ ثمینہ کے ہمراہ مشکے سے فورسز نے گھر پر چھاپے کے دوران گرفتاری بعد نامعلوم مقام پے منتقل کردیا تھا جبکہ نور ملک کے 10 سالہ بیٹے ضمیر کو 3 جولائی کو فورسز نے گرفتار کر کے لاپتہ کردیا تھا۔
