مات نور ملِک ءِ چیھال – سنگین بلوچ

231

مات نور ملِک ءِ چیھال

نبشتہ کار:- سنگین بلوچ

دی بلوچستان پوسٹ 

کجاه انت هما دودا میار جلیں کہ پہ میار سمی ءِ گوک ءُ پسانی دیم ءَ وتی سالُونکیں سرءَ کرُبان کنت ، کجاه انت هما بالاچ کہ پہ وتی برات ءِ بیر ءَ چہ بیبگر ءَ لوٹیت ، من ءَ مرچی دودا یے لوٹیت ، مرچی منی ننگ ءُ ناموس ءَ دری قومے ءِ دست ءَ پادمالیں۔
مرچی من گوں وتی نگرهیں بچ ءُ وتی بانُکیں جِنکاں گوں مُهریں سانکلاں بندیگاں ، زهگ ءُ زالبولانی بندیگی یک پیگامے پہ بلوچ پُسگاں کہ شمے دُژمن لگور بیتگ ، کہ دست ئے گوں بلوچ زالبولاں سَک داتگ۔

پاکستان ءِ بندیگ جاه منی خاندان ءِ یک لوگ ءِ جوڑ بیتگ بلے کس ءَ اے سما نہ انت کہ ما پہ کے بندیگ بیتگیں ؟
پہ وتی آوکیں پدریچ ءِ باندات ءِ هاترا ۔
او منی واجیں برات ءُ بانُکیں گُهاراں دان کدین ءَ شما چوش بے سما ات ، کبزاه گیر پیش داراگایں کہ من شمارا وتی گلام جوڑ کتگ ۔
اے زلم ءِ آس مارا داں کدین ءَ سوچیت ؟

من هما براتانی بانُکیں گهاراں پہ وطن شیدا انت , من هما بچانی مکہیں ماتاں کے سرے پہ گلُزمین هیراتاں , من هما آریپے پتے چکان کے پہ شیپانکی بچ ءُ جنکے رودینتگ انت ، من هما مکہین مات ءِ جنکاں پہ سِنگیں دیزے ٱمیت ءَ روستگاں ، تی زلم ءُ زوراکیاں من هالو هالوا گار نہ بان منی وڑیں هزاراں مات بندیگ کتگ تو منی وڑیں گهار هزاراں دل سوچ کتگ ، من هم چہ همے گهاراں چہ یک گهاریاں ، تو هزاراں مات ءِ دل تپسینتگ ءُ هزاراں مات ءِ چم راهی کتگ انت ، تی زلم ءِ آس منا نہ تاپینیت ، من یک بلوچ شیر زالیں ماتی ءِ لوگ ءَ ودی بیتگاں ۔

منی راج ءِ تاسُپیں بچ ءُ لاڈوکیں جنکاں ! مئے دُژمن مارا چاریں کنڈاں گار ءُ بیگواه کناگایں دیمے پہ مارا نشہ جنگایں دیمے پہ گرگ ءُ بندیگ جاہاں ٹارچر دیاگایں جاهے مئے نسل کُشی ءَ کنگایں ۔
بلوچستان ءِ کنڈ کنڈ پاکستان ءِ زهِریچکیں بمبانی آماچ انت۔
بلوچ قوم کہ مروچی گیش ءَ چہ گیش کینسرءِ بیماریانی آماچ انت ، اے دُراه همے زھریچکیں بمبانی وجہ انت ، اے کُل شے آنی بُن گلامی ءِ داتگیں سوگاتاں کہ بلوچ راج ءَ هر دیمءَ پاکستان گوں وتی نہ رواهیں کانونان زُلم ءُ زوراکی کناگایں ۔

تی زُلم ءُ زوراکی من ءَ گار ءُ بیگواه نہ کنت بلکیں گیش آٹیگ دی انت ءَ من ءَ زندے بکشان انت ءُ تی زُلم زوراکیاں منا باز کُمک کتگ ، پرچہ کہ تی اے زٌلم ءُ زوراکی پہ من یک تبلیگے جوڑ بیتگ ، هما شوانگ کہ کوهانی توک ءَ نشتگ آئی ءَ را هم تو هال داتگ کہ تو گلام ءِ ، هما دهکان ءَ هم تی چہ اے زُلم زوراکیان سرپدی رستگ کہ من یک گلامیاں ءُ تی زلم زوراکی ءَ چہ من سنگ جوڑ یبتگاں ۔

 

دی بلوچستان پوسٹ : اے نبشتانک ءِ تہا درشتان کُتگیں ھیال ءُ لیکہ نبشتہ کار ۓ جندءِ گنت، الم نہ اِنت کہ دی بلوچستان پوسٹ رسانک نیٹورک ایشانی منوک بہ بیت یا اگں اے گل ءِ پالیسیانی درشانی اِنت۔