بلوچستان: مختلف حادثات میں 4 افراد جاں بحق، متعدد زخمی

August 14, 2018

168

بلوچستان کے مختلف علاقوں میں ٹریفک حادثات میں 4 افراد جاں بحق اور متعدد زخمی

دی بلوچستان پوسٹ نیوز ڈیسک کو موصول اطلاعات کے مطابق بلوچستان کے شہر گوادر میں دو گاڑیوں میں تصادم کے نتیجے میں 2 افراد جاں بحق جبکہ چار زخمی ہوگئے۔

زخمیوں کو ہسپتال منتقل کردیا گیا ہے، لیویز ذرائع

دوسری جانب بلوچستان کے دارلحکومت شہر کوئٹہ میں چمن ہوٹل کے قریب کوئٹہ مستونگ روڈ پر کار کی ٹکر سے 8 سالہ لڑکا جاں بحق ہوگیا۔

جاں بحق ہونے والے کی شناخت موقیب اللہ ولد عبدالمالک سکنہ مستونگ سے ہوئی ہے۔

چھیپا ذرائع کے مطابق لاش کو سول ہسپتال کوئٹہ منتقل کردیا گیا ہے۔

ضلع قلعہ سیف اللہ میں ایک اور ٹریفک حادثے میں ایک شخص جاں بحق جبکہ خواتین اور بچے بھی زخمی ہوئے۔

ذرائع کے مطابق ایک ٹو ڈی گاڑی الٹنے کے بعد ٹرالر سے جا ٹکرائی جس میں نعمان ولد خالد نامی شخص جاں بحق ہوگیا۔

چھیپا ذرائع کے مطابق زخمیوں اور جاں بحق شخص کی لاش کو سول ہسپتال کوئٹہ لایا گیا ہے۔