بلوچ اسٹوڈنٹس آرگنائزیشن پجار کے مرکزی چیئرمین گہرام اسلم بلوچ نے اپنے ایک جاری کردہ بیان میں بولان میڈیکل کالج کے حالیہ ایم بی بی ایس تھرڈ ایئر کی سینکڑوں طلبا کو جان بوجھ کے فیل کرنے کی بھرپور مذمت کرتے ہوئے کہا کہ انتظامیہ نے کالج کو مفلوج بنا کے رکھا ہوا ہے۔
انہوں نے مزید کہا کہ پروفیشنل طلبا کے ساتھ ایسا ظلم کسی المیہ سے کم نہیں ایک منصوبے کے تحت بولان میڈیکل کالج کو تعلیمی حوالے سے مزید تنزلی کی کی طرف دھکیلنے کی سازش ہے۔
انہوں نے مزید کہا کہ کالج پے ایک مخصوص گروہ قابض ہے اسی گروہ نے کالج میں مکمل اپنی اجاداری قائم کی ہوئی ہے ایک جاری کردہ بیان میں بی ایس او پجار کے مرکزی چیئرمین نے کہا کہ گزشتہ دن بولان میڈیکل کالج کے طلبا نے اپنی حقوق کے لیے احتجاج شروع کیا تو انتظامیہ نے طلبا کو حراساں کرنے کے لیے 24 گھنٹے کے اندر اندر ہاسٹل خالی کرنے کا حکم صادر کیا ۔
