شہید مبارک جان نا یاداک – لیاقت بلوچ

360

شہید مبارک جان نا یاداک

نوشت: لیاقت بلوچ

دی بلوچستان پوسٹ – براہوئی کالم 

ہرا وختا جہان جوڑ مس گڑا جہان ٹی وختی بندغاک اسہ جوانو بدلی سینا ہتنگ کن جہد کریر، جہان ٹی مالو ہچو قوم اس ئس نئے بندغس، دا بلو جہد سیان پد بسر پدا دنیا ٹی قوماک تینتو جنگ کریر تینا وجود ءِ توننگ کن جنگ کریر، اسٹ ایلو ءِ خلک، اودے پرغا. ہرا وختا جہان ٹی ہرتونکا جنگ آک مسر او جنگ آتیان پد بلو قوم اس وجود ٹی بس، اگہ نن جہان نا مولکاری ءُ جہان نا مُستی کسرے اُرن ہندن خننگک کہ جہان مسٹمیکو بلا جہانی جنگ نا نیمہ غا ہننگ ئٹی ءِ، بلا مُلک آتا جنگ آتیان چنکا مُلک آک بلو امیت تخرہ، ءُ تینا آزاتی نا ہم است خواہی ءِ ہم تخور.

ہرا وختا پاکستان وجود ٹی بس گڑا ہمو دے آن ہلیس اینو اسکان ایشیاء ٹی امن متو. بلوچستان اسہ ہندنو ڈغار ئسے کہ او تینا آزاتی نا خوشی ءِ ہچ خنتنے. پاکستان نا کوزہ آن گڈ بلوچ قوم اسہ مونی جنگ ٹی ءِ و اینو اسکان اوڑے ہزار آتا حساب آ ورناک شہید مسونو ہنگہ مُستی ہم جنگ کیرہ. بلوچستان نا آجوئی کن ہزار آتا حساب اٹ بلوچ ورناک تینا قیمتی آ جان تے ندر کننگ ئٹی ءُ، ہمو ورنا تیان اسٹ شہید مبارک جان چاننگ مریک انتیکہ او تینا زندگی ٹی حقیقت ءِ ہچ ڈکیتو، حقیقت نا ڈکنگ آن بندغ تینا حوصلہ ءِ گوئک.

شہید مبارک جان تون کنا بھاز خڑکی الو ہندا سوب بھاز نوشتہ کننگ کپرہ ولے اخس کنا علم ءِ ہموخہ بیشک کوشست کروٹ انتیکہ ہرا وختا کنا اوڑدئی شہید تو مس او وختا ای شہید تون بھاز درستی الوٹ، وختس کنے خبر تما کہ شہید باز جوانو extraordinary soldoer ئسے گُڑا کنے شہید نا دیوانک اونا ہیتاک سخت کنے دوست بسرہ، شہید نا زند نا زیا چنکو نظر اس شاغیوہ:

شہید مبارک جان 1986ء اٹ سفر خان نا اُرا تیرتیج اٹ ودی مس پدا ہموڑے تینا خواننگ ءِ بناء کرے. اونا اصل جاگہ تیرتیج چاننگ مریک انتیکہ اوے ودی مس. شہید مبارک جان نا سنگت آتا مطابق او بھاز خواری کش و بھاز لائخ ءُ بندغس ئسک، او ہر وخت تینا کلاس ٹی اولیکو نمبرے دریکہ و او دہمیکو جماعت ءِ گورنمنٹ ہائی اسکول آواران آن ایسر کرے. مُستی ایف اے انٹر کالج آواران آن کرے اوکان پد تیان خواننگ ءِ مُستی دننگ کتو انتیکہ بلوچستان نا حالت آتا سوب آن خواننگ آن باز مُر مس، پدا شہید بلوچ قوم نا غلامی نا درد ءِ مارا و بلوچستان نا سیاسی تنظیم بی این ایم تون اوار مس اوڑے ہم جوان کاریم کرے.

شہید 2010 اٹ بی ایل ایف ٹی پوسکُنا جنگی حکمت عملی تون بس، او بی ایل ایف ٹی اسہ جوانو حساب سیٹ کاریم کرے. لُمہ وطن نا آزاتی کن تینا کُل ءِ ندر کرے. 2018 آن پد حالیت آتا سوب آن تینے ڈھکا بلوچستان نا مش ءُ گٹ آتیٹی رہینگ ءِ بناء کرے. تانکہ 28 جنوری 2018 آ اسہ بھلو فوجی آپریشن اسیٹی پاکستان نا فوج تون مون پہ مونی جنگ کریسہ دژمن نا بھلو مخلوک سینا خلنگان پد تینا زند ءِ لُمہ وطن کن بشخا، سد سلام مرے شہید ئنا جُہد ءِ.
ہموڑے اوڑتون اوار پین سنگتس اس گُڑا او کنے پارے کہ شہید کنے پارینے: “تینے کش ءِ ای جنگ ءں توریوہ.” گُڑا سنگت پارے ای دانگی دونی کرینٹ گُڑا پارینے “ای تینے تینٹ خلیوہ سنگت.” سنگت پائے ہرا وختا کنے آن پاش مسونے تو تینا جوزہ اٹ جنگ کرینے. مبارک جان نا شہیدی آن پد ظالم ءُ زور آور پاکستان نا فوج شہید نا لاش ءِ تتو، اینو اسکان لُمہ ناتہ جغر آ تینا مار اکن ٹپس تخوک ءِ.