خضدار : وڈھ میں درجنوں اسکول کھنڈرات میں تبدیل

417

بلوچستان کے علاقے خضدار کے تحصیل وڈھ میں درجنوں اسکول کھنڈرات میں تبدیل ۔

دی بلوچستان پوسٹ ویب ڈیسک کو ملنے والی اطلاعات کے مطابق خضدار کے علاقے وڈھ میں درجنوں اسکول کھنڈرات میں تبدیل ہوچکے ہیں ۔

علاقائی زرائع کے مطابق درجنوں اسکول جو کہ زیر تعمیر تھے انھیں ٹھیکیداروں نے ادھورا چھوڑ دیا ۔

جبکہ مقامی لوگوں نے الزام لگایا کہ چونکہ ٹھیکیداروں کو علاقے کی بااثر سیاسی افراد کی پشت پناہی حاصل ہے اس لئے انھیں کچھ بھی نہیں کہا جارہا ہے ، البتہ ٹھیکیداروں نے علاقے کے یوسی چیئرمین کو رشوت دے کر خوش کردیا ہے ۔

اہل علاقہ نے حکام بالا سے اپیل کی کہ وہ زیر تعمیر اسکولوں کو مزید کھنڈرات میں تبدیل ہونے سے بچانے کےلئے فوری طور اقدامات اٹھائیں ۔

واضح رہے کہ وڈھ کا علاقہ قوم پرست جماعت بلوچستان نیشنل پارٹی کے سربراہ سردار اختر مینگل کا آبائی علاقہ ہے ، ۔