گلامی ءِ زندمان – اکیل مراد

251

گلامی ءِ زندمان

اکیل مراد

دی بلوچستان پوسٹ : بلوچی کالم

راجانی توار برز بیتگ راجانی زندمان برز بیتگ نوزدہ سد ءُ چِل ءُ ھشت ءَ پاکستان ءِ زوراک مندیں دستاں بلوچ ڈیھہ ءِ سر ءَ اُرش کُرت ءُ مدامی ءِ داب ءَ بلوچ یک گلامیں زندمانی ءِ تہ ءَ مان ھَڑینگ بیت ۔

زورگِریں لشکر ءِ داشتگیں لینگاٹاں ھما وھد ءَ ھمے پنت بناہ کرت کہ بلوچ ڈیھہ ءِ ھواری ءَ بلوچ ءِ زبان ءِ سر ءَ ھم اُرش کن ایں ءُ تاں بلوچ ءِ بُنکی زبان چہ بلوچ ءَ پَچ گرگ ءُ بلوچ چہ وتی ماتی زبان ءَ زبھر کنگ بہ بیت ۔

سرکار ءِ دستاں بلوچ ءِ سرجمیں در بند کنان کرت اَنت ءُ بلوچ ءِ زھگاناں وتی مان ھَڑینتگیں زبان ءَ گوں ھمگرنچی ءِ سکین دیگ بندات کرت پاکستان ءِ مِک کرتگیں ھِشتی اسکولاں بلوچ زبان ءَ را ھِچ وڑیں ارزشت مندی نہ بیت ۔

وھدے کہ شھید نواب اکبر خان سر وزیر نامینگ بیتگ گڑا نواب بگٹی ءِ اولی لوٹ ھمے بیتگ کہ بلوچستان ءِ اسکولاں بلوچی زبان وانینگ بہ بیت تاں بلوچانی ماتی زبان گار ءُ بیگواہ مہ بیت۔بلے اشی ءِ تہ ءَ ھِچ وڑیں گامگیجءِ زورگ نہ بیت ءُ اے گپ تاں ھما اسمبلیانی تہ ءَ ھلاس بیت ءُ گپ ءَ وتی وھد ءُ باریگ جت اَنت ۔

بلے بلوچی ءِ نامی ئیں زانشتکارانی جھد ءُ جپاہ ءَ چہ بلوچی تیلانک دیان کرتگ ءُ تنی وھدی ھما تیلانکی ءِ رِد ءَ روان انت اشاں چہ ابید نوک بندات بیتگیں وھدے سر ءَ وتی چمانی دیم ءَ تَرینیں ۔

ھَنچش گْوش اَنت کہ ترا وھدیکہ یک ملکے ءَ روگی بیتیں گڑا تر ءَ ھما ملک ءِ زبان سکگی انت تاں تئی واست ءَ دگہ اڑ ءُ جنجال مہ بیت ھستیں دور ءَ بہ گر تاں گوستانک ءَ بلوچ ءِ بازیں کَچے ءَ بھرے مزن ھور خلیجی ملکان اِنت ءُ آیاں ھمودی پاسپورٹ”Nationality..” ءِ گرگ ءَ پد آیاں ھم بلوچی چہ وت ءَ گستہ کرتگ پرچاکہ آ ھمودی جمھمنندی اَنت چرے سبب ءَ آیاں چہ وت ءَ بلوچی ءَ گستاھی داشتگ ۔

نوکتریں وھد ءَ پاکستان ءِ زور ءِ پد ءَ چائنہ ءَ ھم بلوچ ءِ زمین سر ءَ زورگری ءُ بلوچ ءِ زبان ءِ سر ءَ وتی زبان ءَ مُشگ ءَ ایں “گوستگیں روچاں پاکستان ءِ جھمنندیں مردے وتی تامری ءِ تہ ءَ گُشگ ءَ ات کہ چائنہ پاکستان ءَ آیگ ءَ ایں چائنہ ءَ لوٹ ات کہ آ پاکستان ءِ زبان ءَ در بہ بارت “۔

نوزدہ سد ءُ پنجاہ ءَ بنگالیانی ءِ ورناہاں زبان ءِ نامینگ ءَ بنگلادیش ءِ شھدربرجاہاں توار چِست کرت گڑا پاکستان ءِ زورامندیں دستاں بنگالیانی ورناھانی سر ءَ اُرش کرت ءُ آ ایر موشی ءِ واست ءَ کوشت ءُ کوشی کرت اَنت گڑا بنگالیانی ورناھاں وتی سر بباہ دات اَنت بلے وتی زبان ءِ نامینگ ءِ گپ یلہ نہ کرت مروچی بنگلا دیش ءَ ھما ورناھانی ھونانی سھری انت ۔ بنگلادیش ءَ ھوار بنگالی یک زبانے ءِ بستار ءَ زانگ بنت ءُ ایانی زبان ھم چہ جھان ءِ زباناں کمتر نہ انت۔

بیلاں راج ھما وھداں نامدار بنت کہ آیانی زمین، زبان، دودمان ءُ سرجمیں گواچن ھست بنت گڑا ھما راج نامدار ءُ زندگ مان اَنت
دنیا ءِ آدگہ راجانی وڑ ءَ وتی زندگ مانگ ءِ ھاتر ءَ تی بنپدی ءِ گار کنگ ءَ چست بیتگیں دستاں پروشان بہ کن ات تاں تی ھمے گیمرتگیں درچک ءَ پد ءَ بہ سبزین اِت ءُ وتی زبان ءَ جھان ءِ دیم ءَ یک زبان ءِ بہ نامین اِت۔

1 COMMENT

  1. Dear Akeel Murad your article about Balochi Language is quite simple & appealing to common person.It’s as well as inspiring that a nation cannot survive for long without his language, culture, tradition, arts, music, folklore songs & history. As such we must attempt to preserve all these inherited treasures of our ancestors of 15thousands yrs of B.C. which entitle the Baloch as being the Oldest Civilisation on this earth. Our enemies are, as such, engaged in eliminating the Baloch from all the above inherited qualities, services & sacrifices rendered to human civilisation, through the annals of ancient history till 21century.

Comments are closed.