بلوچ سرڈگار ءُ آسروک – اکیل مراد

94

بلوچ سرڈگار ءُ آسروک

اکیل مراد

دی بلوچستان پوسٹ : بلوچی کالم

زھرناکیں بمب “ایٹمی بمب تراک ” زھرناکیں بمب ءِ زور ھمینکس تُرند انت کہ آئی ءِ زھری ءَ چہ ھما جاہ ءُ کَش ءُ گوراں ھِچی رودم زُرت نہ کنت انسان ءِ بیت یا آ دگہ ساہدار بنت اود ءَ ھِچ وڑیں چیز رودمی ءَ زُرت نہ کن آں آ وتی زندمانی ءَ ھروھدی ءَ گار ءُ بیگواہ کن اَنت

اولی زھرناکیں بمب امریکہ ءَ ماں شَش اگست نوزدہ سد ءُ چِل ءُ پنچ ءَ جاپان ءِ شھر ھیروشیما ءَ جتگ ءَ

ماں وھدے شَش اگست ءِ روچ ءِ ٹک ءَ پد سھت ءِ ھشت ءُ پانزدہ ادار ءَ ماں امریکہ ءَ جاپان ءِ شھر ھیروشیما ءَ اُرش کرتگ ءُ بالی گراباں ھمے زھرناکیں بمب تراکینتگ چِل ءُ شَش سکینڈ ءَ پد جاپان ءَ یک تباھی ءِ مَچیت

ھمے ارش ءِبنداتی ءَ ھپتاد ھزار مردم بیران بیتگ اَت ءُ زَدگ ءُ زامبیلانی مرگ ءَ پد بیرانیانی کَچ داں لَک ءَ سر بیتگ ءُ چیزے وھد ءَ پد بیرانیانی کَچ گیش بیان بیتگ اَنت ءُ داں دو لَک ءَ سر بیتگ اَنت

ھمے جاہ ءَ بمب زمین ءَ کپتگ گڑا ھمے جاہ ءَ داں بازیں گستہ ءَ ئیں جاہ بمب ءَ وتی زھری ءُ ترندے ءَ تباہ کرتگ اَنت اود ءِ ماڑی ءُ دراھیں چیز تباہ ءُ برباد بیتگ انت اود ءَ ھشکیں ڈن ءَ ابید دگہ ھچی پَش نہ کپتگ

ایٹمی بمب ءِ سبب ءَ ھیروشیما ءِ شھر ءِ چار مِل آس ءَ وتی برانزاں گوں ستکگ انت

بمب ءِ دوت ءُ آس ءِ برزی چِل ءُپنچ ھزار فُٹ ءِ برزی ءَ شتگ اَنت ءُ آس ءِ پراھی دوازدہ سد میٹر بیتگ

اے آس ءَ ھیروشیما ھنچیں یک تباھی ءِ آماچ بیتگ اَت کہ جاپان ءِ مردماں ھم اے سرپدی نیست اَت کہ چونیں جاناوریں آپت ءِ جاپان ءِ سر ءَ کپتگ
جاپانی جھازاں اود ءَ تَر ءُ تاب ھم کرتگ بلے ادو ءَ بیدے دنز ءُ دوت ءُ آس ءِ رژنائی ءَ ابید دگہ ھچی گندگ ءَ نہ یتکگ

اود ءَ چی بیتگ ؟ اے گپ امریکہ سروک ءَ شش اگست ءِ روچ ءِ یازدہ بج ءَ دنیا ھال داتگ ات کہ من جاپان ءِ سر ءَ یک ھنچیں بمب ءِ جتگ کہ اود ءِ مردمانی ھواری ءَ سرجمیں ساھدار زوال بیتگ انت

اے وھد بیست ءُ ھشت مئی نوزدہ سد ءُ نود ءُ ھشت اَت کہ بلوچ ءِ بدواہ پاکستان ءَ بلوچستان ءِ دمگ چاگی راسکو ءَ ایٹمی تراک ءِ چکاس کرت

ایٹمی تراک ءِ چکاس ءَ پد چاگی ءُ نزیکی گور ءُ دمگاں یک تباھی ءِ مَچیت انسانی جان، پَس ءُ گوگ، بالی ءِ مُرگ، درچک ءُ دار ھمک وڑیں چیزاں چاگی ءِ کَش ءُ گور یلہ کرت اَنت آیانی ساہ پاکستان کرتگیں ایٹمی تراک ءَ وتی ارجان کرت انت

ایٹمی تراک ءَ پد اود ءَ وڑ وڑیں نادراھیاں وتی لَمب ایردیان کرت اَنت اود ءِ پیداگ بیتگیں چُک لنگ ءُ مُنڈ اَنت، ھنچش ھیروشیما ءَ ھچ وڑیں ساھدار رودم زُرت نہ کنت ھمے وڑ ءَ چاگی ءُ راسکو ءِ دلبند ءَ ھم ھچ وڑیں ساھدار رودم زُرت نہ کنت اگاں پیداگ بنت بلے نادراھی ءَ چہ پُریں جان بنت،

LEAVE A REPLY

Please enter your comment!
Please enter your name here