بلوچ ریپبلکن آرمی کے ترجمان سرباز بلوچ نے میڈیا کو جاری بیان میں کہا ہے کہ بلوچ سرمچاروں نے ڈیرہ بگٹی میں پیرکوہ کے علاقے پتھرنالہ کے مقام پر آپریشن میں مصروف پاکستانی آرمی کے قافلے پر راکٹوں اور خودکار ہتھیاروں سے حملہ کیا جس سے فورسز کے چار اہلکار ہلاک اور چھ زخمی ہوئے۔
ترجمان نے مزید کہا کہ ڈیرہ بگٹی ہی کے علاقے پاتر میں قابض فوج کی گاڑی کو ریموٹ کنٹرول بم سے نشانہ بنایا جس کے نتیجے میں تین اہلکار ہلاک اور چار زخمی اور دوسری طرف ڈیرہ بگٹی کے علاقے بمبور میں عام آبادیوں پر آپریشن میں مصروف پاکستانی فورسز کی ایک پیدل گشتی ٹیم پر راکٹوں اور خودکار ہتھیاروں سے گھات لگا کر حملہ کیا جس کے نتیجے میں فورسز کے دو اہلکار ہلاک اور متعدد زخمی ہوئے۔
سرباز بلوچ نے کہا ہے کہ بلوچ ریپبلکن آرمی ریاستی فوج پر واضع کرتی ہے کہ بلوچ قوم پر ہونے والے ہر مظالم کا حساب لیا جائے گا۔ ترجمان نے کہا کہ بی آر اے کی کاروائیاں بلوچستان کی مکمل آزادی تک جاری رہینگے۔
