دی بلوچستان پوسٹ ویب ڈیسک کو موصول ہونے والی آمدہ اطلاعات کے مطابق بلوچستان میں تمپ پھل آباد کے علاقے میانجی نہنگ کور پر آج صبح پاکستانی فورسز نے ناکہ لگایا تھا، جہاں سے ایک بلوچ نوجوان کو گرفتار کرکے لاپتہ کردیا گیا ہے، جس کی شناخت عبدالباسط ولد گل جان کے نام سے ہوئی ہے۔
علاقائی ذرائع کے مطابق عبدالباسط صبح اپنے موٹر سائیکل پر اپنے گھر سے معمول کے مطابق تمپ شہر کی جانب جارہا تھا کے راستے میں ناکے سے اسے موٹر سائیکل سمیت فورسز گرفتار کرکے لے گئے جس کے بعد سے وہ لاپتہ ہیں۔
یاد رہے بلوچستان کے علاقے تمپ اور گردو نواح سے اب تک ایسے سینکڑوں واقعات رونما ہوچکے ہیں اور کئی واقعات میں لاپتہ ہونے والے فرد کی مسخ شدہ لاش کچھ دنوں کے بعد مضافاتی علاقوں سے مل جاتی ہے۔
