شھید جمیل جان ءِ زندگی ءُ جُہد ءِ سرا کسانیں چمشانک ءِ – مھروان بلوچ

144

شھید جمیل جان ءِ زندگی ءُ جُہد ءِ سرا کسانیں چمشانک ءِ

مھروان بلوچ

مرچی بازیں مدت ءَ پد وتی نَد چست کُتگ دل ءَ لوٹ اِت کہ کیا ءِ کِسہ ءَ راج ءِ دیما بیاراں بلے نزاناں چہ کجا بندات ءُ کجا آسر ءِ بکناں،

شھید کیا بلوچ من کسانی ءَ جمیل ءِ نام ءَ چہ زانتگ ات شھید جمیل جان سکیں لائقین مردم ءِ بوتگ، دائم پہ مردمانی کُمک ءَ ساڑی بوتگ نیزگاریں مردم ءِ بوتگ پہ چُنڈے نان ءِ شوھاز ءَ برے دار ءُ پیش ءِ کُتگ ءُ برے گوں گاڑی ءَ کلینڈر بوتگ، مناں یاد اِنت لھتیں سال پیسر نیکرائی ءِ ناشرکاریں گل لشکر خراسان ءُ لشکر جھنگوی وتی زوران اَت اَنت ءُ ھمُک روچ ءَ بلوچ راج ءِ ورنا ءُ کماشاں پہ زگری ءُ نمازی ءِ نام ءِ سرا لٹ ءُ کُٹ کنگ ءَ اِت انت گُڈا شھید جمیل جان اے چیزاں ایر جنت ءُ ناشرکار ءُ زوراکیں مھتر پاکستان ءِ بگیری ءَ گپ جنت مھلوک ءَ سرپد کنت کہ بائد مردم اے ھوالہ گامگیج بزور انت۔

بلے اے وھد ءَ شھید گوں ھچ وڈیں سیاسی پارٹی یا سلاہ بندیں گلاں گوں ھوار نہ اَت . اے ھبر وھدے نیکرائی نام ءِ سرا مردم کشوکیں ناشرکاراں سر بوت گڈا آیان جمیل گوں دگہ سئے چار سنگتاں ءَ لَٹ ءُ کُٹ کُت، اے وئیل ءَ پد شھید جمیل جان گوں دمگی سرمچاراں اھوال کنت کہ پہ منا دگہ راہ پشت نہ کپتگ سرفیس ءَ مھلوک ءِ سرپدی دئیگ ءُ آیاں ءَ تچکیں راہ ءِ پیشدارگ ءَ مردم گیشتر ٹارگٹ بیت، گوں من گیشتر اوپار نہ بیت من گوں سنگتاں پہ وتی راج ءِ ھاترا کار کنگ لوٹاں منا وتی ھمراہ کن اِت ءُ شھید جمیل جان چہ جمیل ءَ مَٹ بوت ءُ کیاّ جوڈ بوت۔

کیا ءَ بنداتی ءَ وتی سلاہ بندیں جُہد بی ایل ایف ءَ چہ بندات کت کسانیں مدت ءَ پد یک ءُ دو لگور تچ اِیت ءُ پارٹی ءِ سگتانی راز ءَ کش انت، لشکر خراسان ءِ ناشرکار وھدے سرپد بنت جمیل سلاہ بندیں مردمان گوں ھوار انت شھید ءِ کھول ءِ مردماں کُشگ ءِ بیھار ءَ دیاں کہ جمیل مئے کرا نہ اتک گُڈا ماء شمے سرجمیں کھول ءَ برباد کنیں، شھید کیا اے گپاں سرپد بیت پہ لشکر خراسان ءِ سروک ءَ کلوہ کنت کہ تئی جنگ گوں راج ءَ اِنت ءُ راجی سرمچاران اِنت اگاں شما جنگی راھبنداں چہ سرپد اِت ءُ راستی ءَ پہ اسلام ءِ ھزمت ءَ جھد کنگ ءَ اِت گُڈا اے جنگ بلوچ راج ءُ ریاست ءِ جنگ اِنت منی کھول ءِ مردماں میان ءَ میار کہ آ بے میار انت، لشکر خراسان ءَ لوٹ کُت کہ بیا سرنڈر بکن اگاں نا تئی مردم تاوان ور انت، کیا ءَ گُشت منی گوما سر جھل نہ بیت من وتی سرجھلی ءَ چہ مرگ ءَ گیشتر ارزشت دیاں گُڈا لشکر خراسان ءِ کارمنند شھید کیا بلوچ ءِ لوگ ءُ جاہ ءَ ماندار انت ءُ کھول ءِ مردماں چہ درمکول ءَ در آئیگ ءِ بیھار ءَ دیاں گُڈا شھید کیا ءِ کھول ءِ مردم چہ درمکول ءَ لڈ انت پسنی جاہ منند بنت، کسانین مدت ءَ پد جمیل ءِ کھول ءِ مردمانی سرا پدا ھما پیسریگیں زوراکی بندات کنگ بنت ءُ چہ پسنی ءَ لڈینگ بنت بلے جی پہ شھید کیا ءَ اے درسیں چیزاں چہ ابید انگت وتی سر ءِ جھل نہ کُت ۔

بوت کنت کہ دژمن شموشتگ کہ اے یاگی ءَ ایشاں وتی درس پہ راج ءِ باندات ءَ ببا داتگ انت اے چہ ھچ وڈیں بیھار ءُ لالچ ءَ پُشت کنز نہ انت، شھید کیا جان ءَ دو سال ءَ گوں بی ایل ایف ءِ ”پلیٹ فارم“ ءَ آجوئی ءِ ھاتر ءَ جُہد کُتگ، شھید ازت جان ءِ شھادت ءَ پد کیا بلوچ ”بی آر اے“ ءَ جوائن کنت ءُ وتی جُہد ءَ دیما بارت، کسانیں مدت ءِ میان ءَ کیا ءَ پیدارک، پسنی ھوشاپ ءَ ھوار دگہ بازیں دمگاں پاکستان ءِ لشکر ءُ کُشندہ ٹولی ءِ سرا جوانیں اُرش کنت، کہ ایشانی تھا لشکر ءِ خراسان ءِ سرا دو رند ءِ اُرش ھوار انت، پیدارک ءَ لشکر خراسان ءِ سرا سوب مندیں اُرشاں ءَ چہ پد لشکر خراسان ءِ سروک گنوک بنت ھر جاہ گُشتگ ءِ کہ منا کیا کُش اِت اگاں کیا جنگ بوت بزاں منی راہ ساپ بوت.

بازیں رند ءَ کیا ءِ شھید ءِ کنگ ھاترا کیا ءِ سرا اُرش کنگ ءِ جُہد کنگ بوتگ بلے کیا چہ وتی شیواری ءَ رَک اِتگ، 9 مارچ 2018 ءَ کیا گوں سئے سنگتاں تنظیمی کارے ءِ ھاترا شادی کئور ءَ روت، پاکستانی لشکر گوں دلارانی ھمراھی ءَ کیا ءِ راہ ءَ بند اَنت ءَ کیا گوں دژمن ءَ دوچار کپیت ءُ گوں دلیری ءَ جنگ دیاں ءَ دژمن ءِ تیراں وتی سینگ ءَ جاگہ دنت ءُ گوں ھمراھاں شھید بیت، شھید کیا جان ءِ شھادت ءَ پد دشمن پہ شاتکامی ءَ تیر جنت، بکش کیا جان من گوں تو ھمراہ داری نہ کت بلے تئی فکر ءِ منوگراں ءُ وتی جھد ءَ انچو برجاہ داراں کہ پیسر ءَ داشتگ ءُ دُعا انت کہ اللہ ترا گُلباگ ءَ جاگہ بہ دنت۔

LEAVE A REPLY

Please enter your comment!
Please enter your name here