یمن کے حکام کا کہنا ہے کہ سعودی عرب کی سربراہی میں قائم اتحادی افواج کی جانب سے یمنی باغیوں کے زیر اثر ملک کے شمال مغربی کیمپ پر کی گئی فضائی کارروائی میں 26 حوثی باغی ہلاک ہوگئے
ڈان اخبار نے غیر ملکی خبر رساں اداروں کی رپورٹ کے حوالے سے بتایا کہ حوثی باغیوں کے قریب ذرائع کے مطابق فضائی حملے میں کیمپ کے سربراہ عامر الجراب بھی ہلاک ہوئے ہیں جبکہ جنگی ساز و سامان کا گودام بھی مکمل تباہ ہوگیا۔
مقامی عہدیداروں اور طبی ذرائع نے بتایا کہ یمن کی حکومت نے شدید لڑائی کے بعد حوثی باغیوں سے ریڈ سی کا مضافاتی علاقی خالی کرالیا، جس کے بعد صعدہ اور الجوف کو ملانے والی سپلائی لائن پر حکومتی فورسز کا کنٹرول قائم ہوگیا۔
رپورٹ کے مطابق شہریوں نے بتایا کہ حوثیوں کی جانب سے گذشتہ روز راکٹ کے فائر کیے گئے تھے جس کی زد میں آکر کر 6 سالہ لڑکی اور 5 شہری زخمی ہوئے۔
عالمی ادارہ صحت کی ایک رپورٹ کے مطابق یمن کی خانہ جنگی میں گزشتہ دو برس کے دوران 8 ہزار سے زائد افراد ہلاک اور ہزاروں زخمی ہوئے۔
اقوام متحدہ نے یمن میں جاری جنگ کو ‘دنیا میں ایک بڑا انسانی بحران’ قرار دیتے ہوئے خبردار کیا تھا کہ 17 لاکھ افراد میں قحط پھیلنے کا شدید خطرہ موجود ہے۔
